ARSENAL YAONGOZA ALAMA YA POINTI

Monday, December 9, 2013

ARSENAL YAONGOZA ALAMA YA POINTI

Klabu ya Arsenal imejinyakulia pointi moja baada ya kwenda sare ya bao moja dhidi ya Everton

Arsen Wenger aliwashirikisha wachezaji Jack Wilshere, Kieran Gibbs na Olivier Giroud baada ya kupumzishwa.

Gerard Deulofeu, iliipatia Everton nafasi ya kwenda sare na Arsenal huku ikiinyima Arsenal alama saba mbele ya mahasimu wake.

Deulofeu aliingiza bao hilo na kumaliza matumaini ya Arsenal ya kupata alama nyingine tatu mbele ya mahasimu wake licha ha Arsena kupata bao la Mesut Ozil.

Hata hivyo Arsenal inasalia kuwa mbele ya Liverpool kwa pointi tano.

Everton hata hivyo hawakuwa na wasiwasi wa mchezaji yeyote kuwa na jeraha.

Antolin Alcaraz alikuwa kwenye kikosi hicho lakini Leighton Baines, Arouna Kone na Darron Gibson walisalia nje.

Licha ya kuongoza orodha kwa pointi tano sasa, baadhi wana shauku ikiwa kweli Arsenal inaweza kushinda kombe la ligi la Premier,kwa sababu ushawishi wao kuweza kufanya hivyo bado haujawagusa mashabiki wengi wa soka.

WANANCHI WA AFRIKA KUSINI WAENDELEA KUMUOMBEA MANDELA

Wananchi wa Afrika Kusini wanashirki maombi ya kitaifa ya mwendazake Nelson Mandela.

Siku hii ya maombi imesemekana kua siku ya kumkumbuka Mandela na maisha yake.

Rais Jacob Zuma atahudhuria maombi hayo katika kanisa la Methodist mjini Johannesburg, wakishirikiana na viongozi wengine kutoka dini mbali mbali kwa maombi yatakayofanyika siku nzima leo.

Maombi maalum ya kitaifa yatafanyika siku ya Jumanne kabla ya kufanyika mazishi ya kitaifa Jumapili tarehe 15 Disemba.

Wananchi wa Afrika Kusini wamekuwa wakikesha tangu Mandela kufariki siku ya Alhamisi akiwa na umri wa miaka 95.

Rais Jocob Zuma amewataka wananchi kwenda katika viwanja vya michezo , makanisa, kumbi mbali mbali na sehemu zingine zote za maombi, Leo Jumapili, kumkumbuka Mandela.

"Wakati huu tunapoomboleza kifo cha Mandela, tunapaswa kuwa pia tunaimba kusherehekea maisha yake kwa juhudi za mageuzi alizozifanya na kutuletea maisha mapya, tumuimbie Madiba,’’ alisema Rais Jacob Zuma.

Mrithi wa Mandela alipoondoka mamlakani, Thabo Mbeki, atahudhuria maombi katika kanisa ya Oxford Shul synagogue mjini Johannesburg mchana wa leo.

Viongozi wengine wakuu wa ANC, watahudhuria maombi katika maeneo mengine kote nchini humo,

ATA WANAWAKE WANAWEZA BWANA KUKAMATA USKANI NWADEREVA MWANAMKE WA BASI LA NDENJELA COACH KIVUTIO KWA ABIRIA WA SAFARI ZA MBEYA KWENDA DSM

DEREVA NUSURA MAGULUKO 28 AKIMWOMBA MUNGU KABLA YA KUANZA SAFARI

SASA HAPA YUPO KAZINI

BAADHI YA ABIRIA WAKIFURAHIA MWENDO MZURI WA DEREVA NUSURA MGULUKO

ABIRIA WAKIPATIWA HUDUMA YA VITAFUNWA NDANI YA BASI HILO LA NDENJELA

MABASI YA NDENJELA NIYAKISASA YANAFANYA SAFARI ZAKE MBEYA  DSM KILA SIKU

KITUO CHA CHILDREN SUPPORT TANZANIA CHA ADHIMISHA SIKU YA ULEMAVU DUNIANI. MBEYA

Mgeni rasmi toka benki ya NMB akikata utepe kuzindua uwanja wa michezo wa kituo hicho

Mkurugenzi Mtendaji wa Kituo hicho Noela Msuya amesema katika maadhimisho ya Ulemavu duniani watanzania wanapaswa kutowatenga watoto wenye ulemavu kwa kuwa hakuna eneo wala kijiji kilichotengwa kwa ajili ya watu wenye ulemavu bali tunatakiwa kuishi nao pamoja.

Mwalimu Mkuu wa Kituo hicho, Omoding James amesema kituo kilianza kupokea watoto tangu mwaka 2009 baada ya kusajiliwa kikiwa na watoto 13 lakini hadi sasa kuna watoto zaidi ya 200.

Mtoto Maxel mlemavu wa mikono na miguu nae akiwa katika vazi rasmi la mahafali ya kumaliza Darasa la awali kuingia darasa la kwanza

Kituo cha kulelea na kufundishia watoto cha Children Support Tanzania kilichopo Block T Jijini Mbeya kimeungana na Ulimwengu mzima katika kuadhimisha siku ya Ulemavu Duniani inayoadhimishwa kila tarehe 3 Disemba kwa kuzindua uwanja wa mazoezi na mahafali ya Chekechea.

Aidha kituo hicho kimetumia siku hiyo kwa kusheherekea mahafali ya watoto 15 ambao wanavuka hatua kutoka Chekechea tayari kwa kujiunga na Darasa la Kwanza mwakani baada ya kupata sifa za kujua kusoma na kuandika.

Katika Sherehe hizo zilizofanyika katika Viwanja vya kituo hicho zilizohudhuriwa na wazazi wa wanafunzi wanaosoma hapo pia umezinduliwa uwanja wa mazoezi unaofahamika kwa jina la CST Fun Village ambao utakuwa na michezo mbali mbali ya watoto.

Akizungumza katika Sherehe hizo Mwalimu Mkuu wa Kituo hicho, Omoding James amesema kituo kilianza kupikea watoto tangu mwaka 2009 baada ya kusajiliwa kikiwa na watoto 13 lakini hadi sasa kuna watoto zaidi ya 200.

Amesema kituo hicho kinapokea watoto wenye ulemavu wa akili, Viungo,viziwi, wanaoishi katika mazingira magumu na watoto wa kawaida ambapo wanafundishwa elimu maalumu ya darasani, ufundi, mziki na michezo.

Kwa upande wake Mkurugenzi Mtendaji wa Kituo hicho Noela Msuya amesema katika maadhimisho ya Ulemavu duniani watanzania wanapaswa kutowatenga watoto wenye ulemavu kwa kuwa hakuna eneo wala kijiji kilichotengwa kwa ajili ya watu wenye ulemavu bali tunatakiwa kuishi nao pamoja.

Amesema kauli mbiu ya Siku ya walemavu Duniani inasema, “Vunja vizuizi, fungua milango kwa jamii jumuishi kwa maendeleo kwa wote”ambayo inapaswa kuenziwa kwa kuwajengea mazingira ya kuwapenda walemavu na kuwashirikisha katika shughuli za kiuchumi.

Na TIMU  ya libeneke ilipokuwa mbeya

SEREKALI YAOMBWA KUANZISHA BODI YA ZAO LA UFUTA

 

Serikali imeombwa kuanzisha bodi ya zao la ufuta kama ilivyoanzisha bodi ya mazao ya pamba, kahawa na katani, ili kuwawezesha kuwanyanyua kiuchumi wakulima wa zao la ufuta ambalo hivi sasa linalimwa kwa wingi hapa nchini.

Imeelezwa kwamba bodi hiyo ya zao la ufuta endapo itaanzishwa itawasaidia wakulima wake kunufaika kiuchumi, kwani watakuwa na soko la uhakika kuliko hivi sasa wanapotapeliwa na walanguzi wanaonunua zao hilo shambani mwao.

Ombi hilo lilitolewa na baadhi ya wakulima wa zao la ufuta wa Tarafa ya Mbugwe, Wilaya ya Babati, katika Mkoa wa Manyara, ambao walijengewa uwezo wa kulima zao hilo na shirika lisilo la kiserikali la Farm Africa.  

Mmoja kati ya wakulima hao Theresia Njaiko mkazi wa kijiji cha Mwada, alisema endapo Serikali ingeanzisha bodi ya zao la ufuta wakulima wengi nchini wangefaidika kwenye uuzaji kupitia zao hilo linalolimwa kwa wingi nchini.

Mkulima mwingine wa ufuta Khadija Juma mkazi wa kijiji cha Magugu, alisema japokuwa zao hilo halina bodi kama mazao mengine ila wanategemea shirika la Farm Africa kwa kuwapatia elimu ya kilimo hicho, mbegu, dawa na masoko.

Tabu Issa wa Magugu aliiomba Serikali kutupia jicho kwenye zao hilo, kwani hivi sasa wakulima wengi wamefaidika kupitia ufuta hivyo Serikari iwageukie na wao, japokuwa wanawezeshwa na shirika hilo lisilo la kiserikali la Farm Africa.

Kwa upande wake, mkulima wa kijiji cha Mwada Lucas Said alilishukuru shirika la Farm Africa kwa kuwawezesha mafunzo, kuwapatia mbegu na kuwatafutia soko la ufuta, hivyo kuwasaidia kuwanyanyua kiuchumi kupitia zao hilo.

Mkulima Juliana Agustino wa Mwada, alitoa wito kwa Serikali iwasaidie wakulima wa ngazi ya chini, kuwawezesha kushiriki maonyesho ya kilimo ya nane nane ili waonyeshe mazao yao na pia kujifunza kupitia wakulima wengine.